• T Post

【新街市超值鹽焗雞 - 添仔記】


有時在大埔墟附近工作到中午,想快快趣趣解決午餐問題,去新街巿熟食中心總有一間啱胃口。如果一碗粉麵不夠飽,想吃美味又飽肚的碟頭飯,個人很推薦添仔記的鹽焗雞飯,絕對是「干飯人」抵食之選。


添仔記舖位位於平記後面,最出名的是鹽焗雞,除了有鹽焗雞飯,較為特別的是有蔥油鹽焗雞撈麵,另外這兒的椒鹽豬扒及雞翼水準也不錯,性價比相當之高。


午巿來這裏點精選飯餐,一碟招牌雞飯只要 $34,配冷熱飲同價加 $5,特飲汽水加 $6,今時今日 $40 以內能吃到有水準的碟頭雞飯加飲品,已經非常難得。


這兒的鹽焗雞品質不錯,與東江雞頗為相似,不同的是添仔記的沙薑味道較為清淡,而雞的湯汁較多,但撈飯的效果更加入味,雖然湯水令米飯變得軟身,但仍然很對我的胃口。


至於鹽焗雞撈麵,賣相非常「靚仔」,有別於很多店舖選擇 用蠔油撈麵,這兒是以自制的蔥油加雞汁來撈,風味非常特別,看到面對鋪滿調好味的香蔥,用眼睛看已能想像到爽脆的蔥絲一定濃郁惹味,配上鹹香味濃的雞湯,令人食指大動。雖然有些網友評論指幼麵的鹼水味略為過重,但仍在我接受範圍之內,而且 $39 撈麵價錢相宜,仍非常值得一試。


除了鹽焗雞,這兒的椒鹽豬扒和雞翼的味道也非常不錯。如 果想試但又怕吃不完一整碟豬扒雞翼,添仔記有一個非常貼心 Option,無論是湯粉麵或是撈麵類,只要加 $6,便可以選擇併雲吞、水餃、豬手、雞翼或豬扒,給食客多些選項, 又可避免浪費食物。


午巿及下午茶過後,大埔墟新街巿內很多粉麵檔一到入夜便關門,但添仔記有做晚巿,三兩知己或一家人來幫襯,一隻鹽焗雞或白切雞約 $180,半隻只需 $90,再點一味例牌椒鹽骨 $65,已是抵食又美味的一餐。


其實在餐牌上還有不少一般茶餐廳會提供的碟頭飯及粉麵, 例如原汁南乳豬手飯、咖喱豬扒飯、涼瓜排骨飯、鮮茄牛肉飯、雲吞鯪魚球撈麵、菜遠排骨河及椒鹽斑腩河等等,若你不是我這種愛雞之人,也有很多其他選擇。


不過,坦白說我真的只是衝着雞飯而來,很少會點其他菜式,下次有機會或可試試其他食品,希望會有新驚喜!



招牌鹽焗雞飯

炸豬扒

沙薑雞腳

炸雲吞

鳳城鮮蝦水餃伊麵

添仔記粉麵外貌


添 仔 記


地址:大埔鄉事會街 8 號大埔墟街市及 熟食中心 2 樓 CF32 舖

營業時間:7:00 - 18:00 (周五休息)


撰文:Peter Lam

攝影:Natalie Lee

399 次瀏覽0 則留言